再戰工展會~

因為阿E免費飛,阿MA又想去工展會,於是又一齊去多次了,今次係假日去,亦係工展會尾二日,所以好多人呀,迫屎!今之好多平野,入左唔少貨,比上次仲勁。


見到人地食熱狗腸,即搵係邊呀,好耐冇食了好想回味一番,同而加好少地方有得食,個檔原來都幾明顯XD。$10一條,即買了,味道同以前食既差唔多,不過腸好似細條左,個檔有急凍熱狗腸賣既,不過又懶得拎冇BUY呀。

周圍行,又幫襯左天天有魚、嘉頓同時興隆,因為係尾二果日,好多野都好平呀,特別係時興隆,之前係$35/3件,呢日係$50/5件,忍呂唔住又入貨呀。行行下又食下野,燒鵪鶉蛋,之前都食過,味道著通,不過本身LIKE食蛋同佢地未食過一齊食了。


炸豆腐,好淡冇味仲要硬,唔好食。



食完野好口渴,見到位元堂椰果味龜靈爽,試飲價$5,即試了解渴又可以清熱氣,有少少椰果粒,甜甜地,幾正呀。



豆沙茶果同眉豆茶果,$5件,好細呀,味道好普通,不過比較上LIKE咸茶果。















EDO10個裝迷你紅豆沙燒餅,$20,點解會咁平當然有原因,20號到期,個職員都係講明呀,不過20號流流長都好快食晒,之前都介紹過,包裝版,味道OK,當早餐食呀。

好多戰利品,又係時候介紹下,先講時興隆先,合成全麥餅,一包有十小包,小包有3塊餅,都幾低,因為係全麥餅,都冇乜味道,不過幾脆口,感覺上唔油幾健康。

燒烤味青豆條,之前食開芥末味,未試過呢款,少少BBQ味,唔太夾青豆味,芥末好似點呀。

椰果鳳梨酥,新出既,個阿姐極力推介,點知中伏...一盒得7件,平時買開果款係8件...味道普通,食唔出有椰果味,都係舊款好食點呀。

花生酥,成日見,不過未食過,聽講好抵,食落好鬆化,少少花生香味,又唔益,唔錯呀。



揀左喱款魷魚絲,因為冇咁硬,本身LIKE食呀。

仲入左好多野,不過之前介紹過唔影呀,好多野食呀。