尖沙咀功夫點心~

假日去尖沙咀行下,唔肚餓又想食少少野,揀左去食點心,之前聽過下功夫點心個名,據聞蝦餃大粒又好味,一於試下呀。



3點幾去到,冇乜人,間店環境好大,中式設計,最正係有卡位坐。



好似秘笈既點心紙。

香片。


功夫筍尖蝦餃皇,$9一粒,喱到既蝦餃同燒賣都係每粒計錢,都幾金,不過好大粒架,蝦餃皮薄餡多,鮮蝦夠大隻,味道上都唔算太好味但OK呀。

蟹子香菇燒賣皇,$9一粒,好大粒燒賣,本身鍾意食,都幾好味呀。

酥皮香麻蘿蔔餅,$24,皮香脫煙韌,不過都幾油,蘿蔔餡太少呀。

坐得幾舒服,點心味道都OK,試下無妨呀。

尖沙咀廣東道33號中港城2座平台4號舖