漢年茶餐廳+ 九巴情載80年活動~

yan拎左免費飛,去九巴情載80年活動,聽講會有不同年代古董巴士展覽,懷舊野一向都有興趣,更係去睇下,去到第一城個站,見到大家都往同一個方向進發,唔洗識路都識去了。



去到巴士廠,係要搭穿梭巴先可以去到個展場,因為係個展係天頂。



沿途好多未經修飾既巴士。



到左目的地,行上去。



果然好多人,有不少巴士迷同親子活動,好熱鬧,在場新舊巴士一齊晒冷,吸引左唔少人影相呀。



老夫子主題巴士,最初以為海天堂廣告。












熱狗,已退役。



今次活動既焦點,就係喱架烏嘴狗。









好想上架巴士睇下,不過好似係唔可以上去,定過左開放時間,只能遠觀。



古董巴士,個色同熱狗一樣,係款色唔同,唔知幾時開始進化到車身賣廣告,同有主題巴士。



AEC AD4807,之前係海洋公園見過呀。







BM248,都好受歡迎,好多人圍住影,感覺好似好多人排隊搭巴士。

除左展出巴士,當然有攤位遊戲玩,不過冇玩只係睇下玩咩野。

親子活動之一,當然有小朋友既樂園,個活動我地用左一個鐘內行晒了,之後想食個TEA,去左大圍食呀。

聽講大圍漢年既鹽焗雞飯好出名,於是去試下有幾好食,本身以為會好多人排,點知今次好少人,唔洗排隊呀。

金牌鹽焗雞飯,$38,雞既份量OK,不過味道唔係傳聞中咁好食,唔多覺有鹽焗味,同唔係特別滑,只係OK.個沙薑汁反而幾好‧

蛋牛治,唔係出名,只係自己想食,味道普通。

熱奶茶,yan既,聽講都係普通。

唔多覺係特別好食,上網睇返講鹽焗雞炒飯係最好食,唔知係味喱,有機先試呀。

大圍積福街100號